13th EUROPEAN MATHEMATICAL CUP (EMC) – O‘ZBEKISTON NATIJALARI

Hurmatli ishtirokchilar,

2024-yil 19–20-dekabr kunlari bo‘lib o‘tgan 13th European Mathematical Cup (EMC) xalqaro matematika olimpiadasi natijalari e’lon qilindi. Ushbu nufuzli olimpiada Jane Street homiyligida o‘tkazildi. Unda dunyoning turli mamlakatlaridan iqtidorli o‘quvchilar qatnashib, o‘z bilim va mahoratlarini sinovdan o‘tkazdilar.

📌 Jami 45 ta davlat ishtirok etdi, bular:

Xitoy, AQSH, Frantsiya, Germaniya, Italiya, Polsha, Turkiya, Ruminiya, Hindiston, Indoneziya, Pokiston, Ukraina, Shvetsiya, Avstriya, Daniya, Finlandiya, Irlandiya, Filippin, Jazoir, Tunis, Eron, O‘zbekiston, Albaniya, Belgiya, Bosniya va Gersegovina, Boliviya, Bolgariya, Chexiya, Estoniya, Gretsiya, Gruziya, Kosovo, Latviya, Litva, Moldova, Shimoliy Makedoniya, Serbiya, Slovakiya, Sloveniya, Xorvatiya, Qozog‘iston, Qirg‘iziston, Ozarbayjon.

Olimpiada davomida har bir ishtirokchiga 4 ta masala yechish topshirildi. Ushbu masalalar uchun ishtirokchilarga jami 4 soat vaqt taqdim etildi. Har bir masala 10 ball bilan baholandi va maksimal 40 ballni tashkil etdi.

EMC olimpiadasi ikki kategoriya bo‘yicha tashkil etiladi:

• Junior kategoriyasi – 17 yoshdan kichik va ilgari IMO (Xalqaro Matematika Olimpiadasi)da qatnashmagan o‘quvchilar uchun;
• Senior kategoriyasi – qolgan yuqori sinf o‘quvchilari yoki alohida iqtidorli yosh o‘quvchilar uchun.

Junior kategoriyasiga mos o‘quvchi istasa, Senior kategoriyasida ham qatnashishi mumkin.

O‘zbekistonlik o'quvchilar ham mazkur olimpiadada munosib ishtirok etdi va Junior kategoriyasida 1 ta I-darajali diplom, 1 ta II-darajali diplom, 10 ta III-darajali diplom hamda Senior kategoriyasida 1 ta kumush medal va 5 ta III-darajali diplomni qo‘lga kiritdi.

Pastdagi jadvallar orqali Junior va Senior kategoriyalarida qatnashgan o‘zbekistonlik o‘quvchilarning natijalari bilan tanishishingiz mumkin.

Quyidagi fayllar orqali har ikki kategoriya bo‘yicha xalqaro natijalar va olimpiada savollari bilan tanishishingiz mumkin: